TAMIE
Sabay namin tinungo ni Kuya Denmark ang pintuan ng opisina ni Kuya Rhann. Kumatok muna siya bago binuksan ang pintuan. Pinauna niya akong papasukin bago siya sumunod sa akin.
Naabutan kong nakaupo si Kuya Rhann sa swivel chair nito at seryosong nakatingin sa harap ng laptop. Alam niyang narito ako pero hindi man lang niya ako pinag-aksayahang tapunan ng tingin.
“Boss Rhann, may sasabihin daw si Miss Tamielina sa ‘yo kaya pinuntahan ka namin,” sabi ni Kuya Denmark.
“Bakit hindi mo muna ako tinawagan?” malamig ang boses na tanong nito na hindi inaalis ang tingin sa laptop nito.
“Ilang beses kita tinawagan, boss pero hindi ka sumasagot.”
“Kahit na. Dapat hinintay mo na sagutin ko ang tawag mo.”
Nakagat ko ang ibabang labi ko. Nagkamali yata ako na pumunta ako rito. Obvious na
