Chapter 66
"Sab! Sab!"
Napapikit ako sa inis. Kapag minamalas nga naman. Si Darren iyon. Nagpanggap akong walang naririnig habang naglalakad papasok ng school. Nilakihan ko na ang mga hakbang ko para makaiwas. Kukulitin niya yata ako. Ano’ng sasabihin ko? Kakausapin ko ba? Nakaiwas nga ako sa kanya nung isang araw pero mukhang hindi na ngayon. Alangan namang sundin ko ang advice ni Darna?
"Sabrina. Sandali!"
Ngani-ngani ko siyang paltukin ng libro sa mukha nang sumulpot siya sa harapan ko.
"Arf!" angil ko sa katarantahan. Napansin kong napangiti siya. Jusko nakakahiya ako.
Bwisit. Those dimples na hindi ko nasilayan for the past 8 years.
"Ganyan ba mag-greet ang vet students dito? Sige. Woof!" masiglang aniya na tumingala pa kaya lalo akong nainis. Ang cute!
"Shut up!" with poise
