Chapter 82
Nasa mall kami ni Darren, day off siya pero ako may pasok kaya sinundo niya ko at nagdiretso kami dito. Sabi niya kasi ipapasiyal niya ko at hahanap daw kami ng attire kapag umattend kami sa reunion.
"Darren, ito bagay sa’yo. Saka ‘yon!" turo ko sa nadaanan naming boutique na may mga nakadisplay na mannequin with mens clothes.
"May isusuot na ko Sab, ikaw na lang ang ibibili ko."
"Uhm ‘wag na gagastos ka pa. Marami akong ukay sa bahay, nasa nagdadala lang naman ‘yon."
Hinawakan niya ang kamay ko at iniharap sa kanya.
"Sab, ang tagal kong hinintay ‘to. ‘Yong tipong maibalik ko lahat ng ginawa mo sa akin noon. Mabilhan kita ng mga gusto mo," seryosong aniya.
"Sugar daddy yarn?" biro ko na talaga namang ikinahalakhak niya.
"Okay lang basta ikaw sugar baby ko. Willing ako."
