Nagulat si Serina nang magising siya ay nasa harapan na niya si Ambross. Agad siyang napaiwas ng tingin nang maalala niya na sinampal siya ni Elora. Ayaw niyang makita ni Ambross ang pamamaga ng pisngi niya.
“Kanina ka pa ba nakauwi?” tanong niya.
Tumango si Ambross. Gusto niyang tanungin kung masakit pa ba ang ginawa ni Elora at gusto niyang humingi ng tawag pero nahalata niya na ayaw ni Serina pag-usapan nila ang nangyari sa kaniya.
“Do you want to eat a cake?”
Mahinang tumango si Serina. Wala na rin siyang lakas na makipag-away kay Ambross. Tahimik lang silang dalawa habang papunta ng kusina.
Si Ambross ang nagslice ng cake para sa kaniya pati na rin ang gumawa ng juice niya. Ramdam ni Serina na inaalagaan siya ni Ambross nong mga oras na yun imbes na siya ang umasikaso dito dahil
