Hindi alam ni Tiara kung bakit siya kinakabahan ngayon habang nakikipagtitigan kay Pietro na umiinom ng alak, hindi na niya makuha pang panoorin ang ang mga lalaking stripper na bumalik sa stage at muling nagsayaw sa saliw ng isang erotikong musika.
Nagseselos kaya si Pietro kaya ganito nalang ito kung makatingin sa kanya? Matalim ang mga matang ipinupukol nito sa kanya na para bang ipinaparating nito sa kanya na kapag may ginawa siyang hindi maganda ay may parusang naghihintay sa kanya. Pero imbes na matakot dahil parang ilang sandali lang ay magwawala na si Pietro sa talim ng mga mata nito at sa mariing pagkakahawak nito sa kopitang may alak, hindi niya mawari kung bakit parang nakakaramdam siya ng kakaibang init sa kanyang katawan.
Makalipas ang ilang sandali ay sunod-sunod ang ginawa
