PAULINE POINT OF VIEW
Araw na ng Martes ngayon at hindi ko maiwasang hindi mapangiti. Natutuwa akong bumangon sa aking higaan. Hinanda ko na kaagad ang susuotin kong uniporme sa pagpasok sa eskwelahan.
Ayos na rin ako at hindi na nahihirapang kumilos. Hindi na ako nanghihina sa tuwing naglalakad. Nag-inat-inat pa ako ng aking katawan bago lumabas sa aking silid-tulugan.
“Magandang umaga po inay!” Pagbati ko kay inay nang makita siya sa kusina. Nakahanda na ang agahan. Lumabas na rin si itay sa kanilang kuwarto at tila pareho sila ni inay bagong ligo. Mukhang maaga silang papasok sa trabaho.
“Kumain na tayo. Siya nga pala anak, sumabay ka na sa amin. Dadaanan din naman namin ang inyong paaralan patungong palasyo. May susundo sa amin at sumabay ka na. Iyon ang nais ng mahal na reyna p
