Leydell
SA HULI ay hinayaan ko si Cameron na sumama kay Zenon nang mag-isa kinabukasan ng umaga. Hindi pa ako handa na magpunta sa Love Resort na dahilan ng pagkasawi ko sa nakaraan. Hindi rin ako handang harapin si Mrs. Zamora. Isa siyang bangungot sa pagkatao ko noon.
Sa loob ng pitong taon ay hindi ako nagkaroon ng malinis na relasyon sa kanya. Hindi ako nagkaroon ng katiwasayan sa kanyang pagtrato sa akin at matindi ang mga salitang binitiwan niya. Naging dahilan siya para masira ako noon. Kaya naman ngayon ay mahirap sa pagkatao ko na basta harapin ang ina ni Zenon.
Idinahilan ko sa huli na marami akong gagawin, ngunit binigyan ko siya ng laya na dalhin si Cameron. He would surely love the resort. Binigyan ko siya ng oras kung kailan niya iuuwi ito, at gusto kong umuwi sila kah
