Leydell
MATAPOS kong makausap si Zenon ay nagkaroon din naman ako ng tiyansa na makausap si Carlos. Kailangan kong hingin ang opinyon niya at ayoko rin naman na mabigla siya kung sakaling malaman niya na naroon kami sa poder ni Zenon. Alam ko na wala siyang pakialam sa amin, pero natatakot ako.
“Hello?” aniya sa kabilang linya.
“Hello!”
“Leydell?” Halatang dismayado siya nang mabosesan ako.
“Yeah. Tumawag ako dahil gusto kong ipaliwanag ang relasyon ko kay Zenon. You know, just to let you know.”
“Okay,” kalmadong aniya. “Ano ang relasyon mo kay Zenon?”
“H-he’s my ex- fiancé,” panimula ko. “And… he wants me and Cameron to live with him.”
“What?”
“Yeah… Uhm… Cameron loves him already.”
Matagal siyang natahimik sa kabilang linya at hindi ko alam ang tunay niyang impresyon
