"HEY."
Napakurap-kurap ako at naibalik sa sarili nang maramdaman si Yohann sa tabi ko, nakakunot ang noo at tila naguguluhan sa akin.
Ngumiti ako at umalis mula sa pagkakasandal sa countertop. Mula sa kanyang tagiliran ay ipinulupot ko ang mga braso sa kanya.
"Ayos ka lang ba?" nag-aalala niyang tanong at inilagay ang kamay sa likod ko, marahang hinahaplos ito.
Tumango ako. "I'm just thinking about something."
"About what?"
Nag-angat ako ng tingin sa kanya. Malapad akong ngumiti at sunod-sunod na umiling na mahina niyang ikinatawa.
"Baka mamaya, pinangpaplanuhan mo na naman kung paano ako aakitin," biro niya.
Namilog ang mga mata ko at mabilis siyang kinurot sa tagiliran niya na ikinangiwi ng mukha niya.
Magmula nang malaman niya ang tungkol sa pang-siyam sa list ko ay hindi na ni
