KAHIT na nag-umaga na ay hindi pa rin humuhupa ang nangyaring kaguluhan kagabi. Patuloy pa rin ang pagtulong ng mga pamilyang may kakayahang tumulong. Isa na roon ang pamilya ni Yohann.
Ngayong umaga ay nagdala naman sila ng champorado para maging agahan ng mga nasunugan. May tulong na rin namang dumating mula sa barangay, ngunit parang hindi pa rin ito sapat. Bukod doon, hindi nagkasya ang mga nasunugan sa isang covered court. Kaya naman ay naghahanap pa ang mga opisyales ng barangay ng iba pang evacuation center.
Bumuntong hininga ako habang nakatanaw sa bintana rito sa salas. Pinaiwan ako ni Yohann dito sa bahay upang hindi na mapagod. Hindi na rin naman ako umalma pa dahil may ibang bagay akong gagawin.
Mabilis na nawala ang tingin ko sa labas ng bahay nang marinig ang pagri-ring ng
