Hybrid-System World + Billionaire Power

Mainit. Mabaho. At puno ng langaw ang paligid. “‘Tang*na mo Alex! Isa kang walang silbi!” sigaw ng isang matandang lalaking lasing habang itinutulak si Alex palayo sa kariton ng basura. Napasubsob si Alex sa putikan, basang-basa ng ulan, at duguan ang labi. Ilang ulit na itong nangyari. Alam na ng katawan niya ang sakit. Pero ngayong gabi, tila mas malalim ang sugat—hindi lang sa balat, kundi pati sa puso. Wala na siyang pamilya. Wala na siyang pangarap. Basurero, binully, pinagtawanan. Ang masakit, mga taong minahal niya noon, sila rin ang sumira sa kanya. “Hindi ka na babalik dito! Patay ka na sa paningin ko!” huling sigaw ng kanyang tiyuhin bago ito tuluyang pumasok sa bahay. Gumapang si Alex papalayo. Sa likod ng iskinita, naupo siya sa tabi ng mga basura. Wala nang lakas. Wala nang dahilan para mabuhay. “Kung may pagkakataon lang sana akong bumalik... kung may kapangyarihan lang akong maghiganti…” Biglang kumulog. Isang nakakabinging kidlat ang bumagsak malapit sa kanya. Nayanig ang paligid. Pagdilat ng kanyang mata, may umiilaw na asul na screen sa harap niya. [ SYSTEM LOADING... ] [ Congratulations! You have unlocked: Hybrid-System World + Billionaire Power ] [ Would you like to activate it? YES / NO ] "Ha?" bulong niya, akala'y guni-guni. Napindot ng daliri niya ang YES. SYSTEM ACTIVATED [ Host identified: Alex Cruz ] [ Current Stats: ] Intelligence: 2 Charisma: 1 Strength: 3 Wealth: ₱0.00 [ Skill Unlocked: MONEY MANIPULATION Lv.1 ] [ Passive Skill: Business Instinct Lv.1 ] [ Daily Reward Activated: ₱10,000 deposited to system wallet ] Napapitlag si Alex. Naramdaman niyang may pumasok na kakaibang enerhiya sa katawan niya. Parang biglang lumiwanag ang paningin niya, lumakas ang katawan, at unti-unting gumaan ang pakiramdam. "H-hindi ito totoo… panaginip ba 'to?" Pagdilat niya, nasa loob na siya ng isang malinis, maaliwalas na kwarto. May kama. May ilaw. May TV. At sa gilid ng pader, isang system panel na parang hologram. [ Welcome to your Base! This is your Starter Safehouse. ] [ Mission: Earn your first ₱100,000 in 3 days. Reward: 1 Random Skill + Property Access ] [ Failing the mission will reset your progress. ] “Grabe… para akong nasa RPG game…” bulong niya habang kinikiskis ang mata. Sa gilid ng kama may cellphone—bagong model. Pagbukas niya, may alert: GCash: You received ₱10,000.00 "Totoo ‘to…" bulong niya habang nanginginig ang kamay. Suot ang bagong hoodie at denim pants na biglang lumitaw sa cabinet ng kwarto, lumabas si Alex. Pumunta siya sa isang food stall at bumili ng pagkain gamit ang bagong GCash. "Sir, bayad niyo po—ah, wow, bago cellphone niyo ah!" sabi ng cashier. Ngumiti lang si Alex. Sa unang pagkakataon, hindi siya tinawag na basurero. Hindi siya ininsulto. Hindi siya pinagtawanan. Pero sa isip niya, isa lang ang layunin: Bawiin ang lahat ng nawala sa kanya… at maghiganti. [ You have unlocked your first passive investor skill! ] [ Micro-Invest Lv.1 – You can invest as low as ₱100 and earn returns x10 faster than normal ] “Let’s play the game,” bulong ni Alex habang tumingin sa langit. “Oras na para mag-level up ang yaman ko.”