Sinadya talaga ng dalaga na hindi na pumasok. Pero kinahapunan, nagpumilit siya sa Mommy niya na kung puwede siyang pumasok dahil gusto niyang magpaalam sa mga pansamantala niyang naging mga kaibigan. Sina Lilian, Isabel at Yngrid. Kung ang mommy niya lang ang magdedesisyon, hinding hindi na sana nito gustong umapak ang anak niya sa Fordswan University. Kahit si Samaria, mabibigat ang bawat hakbang niya papasok. Bawat hakbang ay may kasamang kaba. Simula noong may nangyaring hindi inaasahan ay hindi na naging kumportable pa si Samaria sa unibersidad. Pangalan pa lang kasi ng university naalala na niya agad si Psyche. How can she forget?
Kung sinuswerte nga naman siya at mukhang umaayon sa kanya ang tadhana ngayon, Mula sa malayo ay natanaw niya ang tatlo na nakangiti pa habang nag-uusap.
