Napa-peace sign bigla si Samaria. “Hehe, sorry na.” Masyado naman yata siyang nadala.
“Hmmm.”
“Sorry na nga, e! Sa susunod kasi, bawas-bawasan mo ang pagbibiro ng gano’n at hindi maganda! Buti sana kung tayo lang, e paano kung may ibang tao sa paligid? Tingin mo ba maganda ‘yon pakinggan?”
“Teka, teka. . .ba’t ka nagagalit? Akala ko ba, nag-so-sorry ka? E, ikaw naman itong high blood.”
Samaria rolled her eyes. ‘E, ikaw, e! Iniinis mo ako!”
“Sige, uuwi na lang ako.” Kunware ay may pagtatampo sa boses ni Psysche.
Tinaasan lang siya ng kilay ni Samaria. “Okay.”
“Hindi mo ako pipigilan?”
“Bakit?”
“Hindi. Bakit?”
Napakagat-labi ang binata.”Ah, gano’n?”
“Gano’n nga,” nakangisi at confident na sagot ni Samaria.
“E kung isumbong kaya kita kay Tita? Malakas pa naman ako sa kanya
