"Ibalik niyo po ang asawa ko!" rinig kong iyak ng isang babae mula sa labas ng mansyon. Kasalukuyan kasi akong tinuturuan ng isang guro kung paano magluto nang marinig ko ang kaguluhan na nangyayari sa labas. Napatigil kami sa aming ginagawa at agad lumabas upang tingnan ang nangyayari. Nakasalubong ko pa si Moning na nagmamadali na ring lumabas upang maki-usyoso.
"Anong nangyayari Moning? Bakit may naririnig akong iyakan?" nagtatakang tanong ko habang patuloy kaming dalawa sa paglalakad.
"Hindi ko po alam, senyorita."
Dahil pareho kaming walang alam kung kaya't dali-dali kaming tumingin sa kung anong kaguluhan ang nangyayari. Nang makalabas ako ay nagulat ako sa nasaksihan ko. Isang babaeng may tatlong batang kasama ang siyang lumuluhod ngayon sa harapan ni Senyor Fabian. May karga p
