"A-anong s-sinabi mo, Moning?" gulat na tanong ko kay Moning nang marinig ko ang sinabi nito sa akin.
"Usap-usapan kasi ho 'yong nangyari kay Mang Ignacio. Patay na ho siya. Nakita po ang kan'yang bangkay sa tabing ilog kaninang madaling araw. Ang hinala raw ho ay nalunod ang kawawang matanda," pagkukuwento ni Moning sa akin.
Si Mang Ignacio 'yong matandang tinulungan ko noong isang araw upang makabili ng gamot para sa kan'yang may sakit na anak. Kaya gulat na gulat akong malaman na patay na ito. Nalunod? Bakit naman siya malulunod? Ano bang nangyari sa kan'ya? Bigla tuloy akong hindi mapakali sa nalaman ko.
"Pagkalunod ba talaga ang dahilan?" tanong ko.
"Oho, 'yon po ang sabi ng iba," sagot naman nito.
Nakakaawa kung ganoon ang mga anak nito na naiwan. Paano ang pamilya nito? Hi
