[CONTINUATION OF THE FLASHBACK—]
“Apple, itatago mo ba talaga kina Tita Vivian at Tito Apollo ang tungkol sa batang dinadala mo ngayon?” tanong sa akin ni Divine. Alam ko na stress na sa akin ang apat na mga kaibigan ko ngayon. Kasama ko sina Jessamin, Edlyn, April, at Divine rito sa bahay ni Divine ngayon. Inamin ko na sa kanila na pinagbubuntis ko ang anak namin ni Enrique.
Tatlong buwan na akong buntis. Hindi pa naman halata ang tiyan ko. Pero bawal na akong magpatuloy sa modeling ko ngayon. Ayoko rin naman na ipalaglag ‘to dahil malaking kasalanan ‘yon sa Diyos. Pero sa totoo lang ay naisip ko na ‘yon noong nakaraan na buwan sa sobrang stress ko. Pero naisip ko na anak ko ‘to. Hindi ko dapat gawin ‘yon. Wala namang kasalanan ang batang nabubuo sa tiyan ko sa mga nangyayari na probl
