[ENRIQUE MORALES’ P.O.V.]
— PRESENT TIME —
“Kami ang unang naging pamilya. Pero nangbabae si Harold. Iniwan niya kami dahil sa pera ng ina mo. Habang tumatanda ako at nalaman ko na ang tungkol sa ‘yo at sa ina mo, doon ay ginusto ko talaga na maghiganti. Kasalanan niyo naman kung bakit naghirap muna kami ni Mama noon. Kaya ngayon na kayo naman ang naghihirap, ayoko nang umangat ka pa,” dagdag pa na sambit sa akin ni Lance.
“Nababaliw ka na ba talaga? Paano naging kasalanan namin ang kagagawan ni Harold?! Ni wala pa nga akong kamuang-muang sa mundo noong magsimula na kami ang pinili ni Harold, kung totoo man ‘yang sinasabi mo! At biktima lang din ang ina ko! Wala siyang alam sa mga kasalanan na nagawa ni Harold! Parehas na biktima ang mga ina natin. Hindi ba dapat kay Harold ka naghih
