[VIVIANNA APPLE CASH]
Agad akong nag-alala nang makita ko ang itsura ng mukha ni Enrique ngayon. Kung kailan naman naghahanda siya na papunta sa Los Angeles, ganito ang mangyayari sa mukha niya. Sigurado ako na nakausap na niya si Lance at siya ang may dahilan kung bakit ito nangyari sa gwapong mukha ni Enrique.
Dinala ko siya agad sa salas at agad na ginamot ang mga sugat sa mukha niya. Nakatitig lang siya sa akin habang ginagamot ko siya. Sinamaan ko naman siya ng tingin. “Bakit hindi ka man lang lumaban ng ayos? Tsaka dapat ay hindi mo siya hinayaan na puntiryahin ang mukha mo. Dapat sa katawan mo na lang para di ka masugatan,” pangaral ko pa sa kaniya.
Nakita ko na napangiti siya dahil sa sinabi ko na ‘yon. “How can you still smile in this kind of situation?” mataray pa na tanong
