A Young's Heart

CHAPTER 23

“Finally, our year in grade 10 is already done!” Bliss cheerfully said.

“Right! And hello to the year of exhaustion the upcoming months.” Haria sarcastically said.

She was rolling her eyes. Agad namang natigilan si Bliss na animo'y biglang natupok ang pag niningning ng mga mata na para bang ang naisatinig ni Haria ay isang sampal sa kaniya ng katotohanan. 'Di na nga napigilan na hilain ang tuwid na tuwid na buhok ni Haria na mukhang ipinasadya pa sa isang sikat na parlolista para sa ginanap na completion ceremony. Natatawa na lang ako sa kanilang dalawa dahil hindi na natapos ang kanilang paghihilaan ng buhok. 'Di pa nga magkaintindihan ang dalawang lalaki kung pipigilan ang dalawa. Pero sa huli'y hinayaan na lang nila.

Natigil sina Bliss at Haria nang makita ang paglapit nila Kuya Remus.

“Wala kanang gagawin, Analia? Uuwi na raw tayo.” ani Kuya Remus.

Tumingin ako kila Bliss. “Gusto niyo bang sumama sa bahay? Nagpahanda ng kaonting salo-salo si Mama.”

“Gustuhin man naming pumunta pero nagpahanda rin sina Mama nang pagkain sa bahay.”

“Gano'n ba. Sige, congrats ulit sa inyo.” nakangiti kong ani.

“Sa'yo rin, Analia congrats. See you na lang sa sunod na pasukan.”

Nang makarating sa mansyon ay mabilis akong bumaba sa sasakyan at agad na pumasok sa loob. Nagmamadali kong inakyat ang hagdan. At nang tuluyang makapasok sa loob ng silid ay hinanap ko ang naiwang cellphone. Nang makita'y agad ko iyon binuksan at minanipula hanggang sa mahanap ang numero nang taong kanina ko pa gustong makausap.

Halos mag dadalawang minuto rin bago nito iyon sagutin.

“Lia,” napangiti ako nang marinig ang boses niyon.

“Hi! Pupunta ka ba rito ngayon?” masayang ani ko.

“Yeah, malapit na ako...” seryosong aniya.

“Great! I'll wait for your arrival.”

Hindi ko na hinintay ang sagot niya at mabilis na ring pinatay ang tawag. Nagmadali ulit akong maghanap ng susuotin para sa intimate dinner, na para lang sa mga kamag-anak at malalapit na kaibigan. Wearing a simple white off the shoulder drawstring rusched crop blouse and a ditsy floral print ruffle trim split thigh skirt at binagayan ko rin iyon ng light brown flat na sandal na may tali pataas sa hanggang binti at nakapaekis. Muling naglagay ng liptint at kaonting pulbos. Tinali ko rin pataas ang aking buhok para ma-empasized ang naka exposed na mga balikat. Matapos niyon ay nagmamadali na akong bumaba nang makarinig nang pagdating ng sasakyan.

Tuloy-tuloy lang ako pababa sa hagdan at tinungo ang garden dahil do'n naisipan nila Mama kumain para sa okasyon ngayon. Kahapon din kasi ang graduation nila Kuya Remus at naisipan niyang ngayon na lang din ang handaan para sa kanya at nang hindi na madoble at isahan na lang. Gano'n din naman daw iyon, pareho lang. Ayaw man ni Mama ay hindi na rin niyon napilit si Kuya Remus, saka na lang daw pag nakapasa siya sa bar exam.

Dalawang malapad at mahabang lamesa at mga upuan na kakasya sa mahigit dalawangpu katao ang agad kong nabungaran sa malawak na garden. Naroon na sila at mukhang naghahanda na para kumain. In-scan ko ang paligid. Hindi ko pa nakikita ro'n ang taong inaasahan ko mula pa kanina. Pumunta ako kung nasaan sila Kuya, naroon sila sa gawing kanan habang sila Mama't Papa at ilan sa inimbitahan kamag-anak ay nasa kabila naman.

Napansin na ako nina Ate Rayah kaya maagap nila akong kinawayan para lumapit sa kanila. Umupo ako kaharap nang upuan nila Kuya Ras, katabi niyon si Ate Ivy.

“Congrats, Analia.” malawak ang ngiting bati ni Kuya Yuan. Halos mawala na ang mga mata dahil sa pagkasingkit niyon.

“Congratulations din po sa'yo, Kuya Yuan.” malapad na ngiting gawad ko rin dito.

May sasabihin pa sana siya ngunit natigilan rin nang tumunog ang may disenyong shells na nakasabit sa taas ng sliding door. Nanliit ang mga mata ko nang mapagsino ang mga iyon. Mariing pinagdikit ang mga labi ng makitang nakaabrisyete ang kanang kamay ni Maureen kay Alrik. Sobrang lawak ng ngiti niyon habang binabati sila Mama bago tuluyang lumapit sa aming puwesto. Yumuko ako't hindi na lamang sila pinansin. Marahan akong kumukuha ng ilang pagkain na nakahain nang maramdaman ko ang paglapit at pag upo ng kung sino sa aking tabi.

Nang binalingan ko iyon ay ang seryosong mukha kaagad ni Alrik ang sumalubong sa akin. Hindi ko siya pinansin at muling kumuha ng lasagna pero medyo malayo iyon sa akin kaya nahihirapan akong abutin. Natigilan lang nang tahimik na kinuha iyon ni Alrik at maingat na nilagyan ang plato ko. Tumikhim ako at mahinang nagpasalamat.

Halos patapos na rin akong kumain nang maramdaman ko ang mainit na palad na dumantay sa kaliwang hita ko. Pinilit kong maging kalmado para hindi magtaka sila Kuya Ras at Ate Ivy na nasa harapan namin. Ang marahan na paghaplos niyon sa aking hita ay nakapagbibigay ng kiliti. Parang may nag aaway sa loob ng tiyan ko habang patuloy niya iyon ginagawa. Yumuko ako't 'di nakatiis na sinilip ko iyon. Palihim akong napalunok ng tuluyan iyong makita. Hindi rin naman niya hininto ang ginagawa at marahan pa iyong pinisil. Pasimple ko siyang tiningnan pero seryoso lang siyang nakikinig kila Kuya Remus at Kuya Yuan. Bumalik ang tingin ko sa kamay niya nang pumirmi na iyon.

***

Mag aalas dose na ay hindi parin tapos sila Kuya sa pag iinuman rito sa garden. Kanina parin naunang pumanhik sa taas sila Mama para matulog at maaga raw silang aalis bukas pa maynila. Sila Tita at Tito naman ay umalis na rin kanina. Hinayaan din naman nila akong dumito muna wag nga lang raw iinom dahil wala pa akong eighteen. Akala ko pa nga ay tututol sina Kuya kaya hinintay ko pa ang sasabihin nila pero mukhang ayos lang naman iyon sa kanila dahil hinayaan lang nila ako.

Medyo nakakaramdam na rin ako ng antok. Gusto ko pa sanang hintayin silang matapos. Ngunit ang mga mata ko na ang kusang bumibigay at tinatraydor ako. Dahil hindi ko na talaga kaya ang antok ay nagpaalam na ako sa mga itong mauuna ng matulog. Hindi rin naman nila ako pinigilan kaya tumayo na ako't dumiretsyo sa kusina at do'n na lang dumaan. Iinom muna ng gatas bago matulog.

Nasa kitchen sink ako at hinuhugasan ang ginamit na baso nang maramdaman ang presensya sa likuran ko kaya mabilis kong tinaob sa lagayan ang basong nahugasan at nagtatakang napalingon. Napasinghap pa ako ng makitang halos kaonti na lang ang distansya ni Alrik mula sa kinatatayuan ko. Seryoso parin ang mga mata niyang nakatingin sa akin. Matutuwa na sana akong nandito siya pero ng may maalala ay napairap na lang ako't dinaanan siya para makalabas na sa kusina.

Pero hindi pa nga ako nakakalayo ay maagap na niyang nahawakan ang braso ko at maingat na hinila palapit sa kaniya. Muli na naman tuloy akong nakaharap sa kaniya. Hindi naman siya umiimik kaya napataas na lang ang kilay ko at ipinagkrus ang mga braso.

Pinasadahan naman niya ako ng tingin at tumagal sa may bandang dibdib. Bumalik ang tingin niya sa akin at nanliliit ang mga mata akong tiningnan.

“Anong ginagawa mo rito? Bumalik ka na ro'n at baka hinahanap ka na nila."

Nagpupumilit at nagpapakaseryosong turan ko rito. Kahit ang totoo'y gusto kong narito siya... mag isa at kasama ko. Tumaas naman ang makapal niyang kilay.

“Bakit ang sungit mo?” seryosong aniya. Ha! Nagtanong pa talaga siya ng ganyan!

“Bakit magkasama kayo? Wala ba siyang sariling sasakyan o kahit driver at hindi man lang siya makapagsolo na magtungo rito!” 'di na napigilang sabi ko.

“At ano, sinundo mo pa siya sa kanila. Napaka generous mo naman sa taong may gusto sa'yo.”

Napaangat naman ang labi niya habang nakikinig sa mga sinasabi ko. Halos mapangisi pa nga siyang nakatingin lang sa akin.

“Sinusundo rin naman kita kahit malayo pa ang pinupuntahan mo." seryosong aniya pero natatawa na.

Umirap ako. “Nanunumbat ka na ngayon?! 'di wag kang pumayag kila Kuya,” nakatingala at nanghahaba ang ngusong aniya ko rito.

Tuluyan na siyang natawa at hinawakan ako sa bewang. Muntik pa akong mapasigaw ng mabilis niya akong iniangat paupo sa sink. Hawak parin ng kaliwang kamay niya ang bewang ko habang marahang pinaghiwalay ang mga binti ko. Nasa pagitan na siya ng mga iyon at ang lapit na namin sa isa't isa, nakadungaw na rin ako sa gwapo niyang mukha.

Pinagmasdan niya ako at natatawa parin. 'di kalaunan ay hinalikan ang gilid ng labi ko dahilan para mapapikit ako.

“Ikaw lang naman ang gusto kong sunduin nang hindi napipilitan.” aniya sa mahina at seryosong boses.

“Oh, ba't mo parin siya sinasabay sa'yo?” 'di kumbinsidong sabi ko.

Tumingin naman siya ng seryoso at marahang hinawi ang hibla ng buhok ko na tumatama sa aking pisngi.

“She's still my childhood friend, afterall. Lia, and her father intrusted her to me.”

•••