"Thank you," hindi napigilan ni Rita ang mapanganga sa tinuran ng ate ni Arman sa kanya.
"P-po?" sagot niya sa pasasalamat nito sa kanya. Hindi naman niya maunawaan kung bakit ito, nagte-thank you sa kanya. Kanina lang e, para na itong lulunok ng tao sa sobrang galit sa kapatid. Tas ngayon ay bigla na lang nag-transform ang itsura nito sa isang mabait at mahinhin na babae na nasa harap niya.
Ginagap pa nito ang nanginginig niyang dalawang kamay at piniga pa iyon na tanda ng kasiyahan. "Maraming salamat sa pagdating mo sa buhay ng kapatid ko. Well, honestly, at first. I was thought that you're just like the other girls. Kaya nang sabihin sa akin ni Maureen ang tungkol sa 'yo, ang sabi ko sa sarili ko. Okay, another girl for his collection. May papaiyakin na naman s'ya, at may mangungulit
