Magkasabay na napabaling nang tingin ang dalawang magkayakap sa gulat, nang walang babala na bumukas ang pinto ng private room ni Arman. Magagalit sana ito sa tao na hindi man lang kumatok roon bago buksan ang pinto. At panira pati sa paglalambingan nilang dalawa ni Rita.
"A-ate, Armelle?!" hindi makapaniwala na bigkas ni Arman sa pangalan ng nag-iisa at nakatatanda nitong kapatid na babae. Mabilis na humiwalay sa pagkakayakap si Rita sa lalaki. Napalunok ito nang mapagmasdan ang nakakatakot na awra ng kapatid ni Arman.
"U-uh. L-labas muna ako. Para makapag-usap kayo ng kapatid mo—"
Nakapamiwang na inilang hakbang ng ate ni Arman ang kama nito. "No. Just stay here," mariing utos nito kay Rita.
"P-po?" napapalunok na sagot ni Rita. Mabilis na hinawakan ni Arman ang kamay ng dalaga, nan
