Jamie Ann "Jana" De Castro
Tumawag si Christian sa'kin at nagsabing 'di niya ako maisasabay papasok sa opisina dahil may dadaanan pa raw siyang kliyente.
Maaga namang umalis sina Mama at Papa na pupunta kina Tiya Melba.
Si Jezel naman ay naglambing na ihatid ko sandali sa campus na pinapasukan niya.
Ang weird nga dahil hindi naman ito nagpapahatid noon pero ngayon daig pa niya ang batang 'di binigyan ng kendi sa pagmamaktol.
"Gusto ko nang magselos kay Cristel. Kapag siya ang humiling sa'yo, pinagbibigyan mo agad," pangungunsensiya pa nito sa'kin.
Mahinang tinampal ko 'to sa kaniyang noo, "Pagselosan ba ang mas bata sa'yo? Saka para mo na nga ring kapatid 'yon 'pag magkasama kayo 'di ba?"
Nakakalokong ngumiti ito sa'kin at nag-peace sign ng kaniyang mga daliri.
"O siya, halika n
