“Hindi ka ba talaga makakasama kina Lyn at Bryan?” malungkot kong tanong kay Christian.
“Hindi Babe, maraming trabaho rito sa opisina na kailangan tapusin. Susunod na lang ako sa mismong araw ng kasal nila,” sagot naman nito.
“Sigurado ka ba riyan?” muling tanong ko sa kaniya.
“Opo, susunod ako roon sa mismong araw ng kasal,” paninigurado pa nito sa akin.
Napansin kong namumutla ito kaya kumuha ako ng tubig sa mini ref at inabot iyon sa kaniya.
“Masama ba’ng pakiramdam mo?” Sinapo ko ang noo at leeg nito pero normal naman ang init niya.
Umiling-iling ito, “Nasobrahan lang siguro ako sa trabaho,”
“Magpahinga ka naman kasi paminsan-minsan,” nag-aalalang sambit ko.
Hinapit ako nito sa aking baywang at niyakap doon, “Ang sweet talaga ng magiging misis ko.”
“Mag-enjoy ka sa bakasyon mo
