┈┈┈┈◦•✩•◦┈┈┈┈
Tulog pa rin si Diego, pero kahit papaano ay bumaba na ang lagnat nito. Hindi katulad kanina na inaapoy ito ng lagnat kaya matinding pag-aalala ang nararamdaman ni Remy lalo na ang mga kaibigan nito na hindi iniiwanan ang kaibigan nila.
"Mabuti na lang at bumaba na ang lagnat ni Diego. Hindi na tayo mag-aalala ng sobra," ani ni Marcus habang umiinom ito ng beer.
Si Thomas naman ay nakatingin lamang sa tulog na tulog niyang kaibigan.
"Tignan mo ang lokong 'yan, bumabawi ang katawan ngayon kaya tulog lang. Mula ng magpunta kami ng Japan ay hindi 'yan natulog kahit isang oras. Gusto niyang hadaliin ang lahat ng problema kaya ayan at nagkasakit na. Lagi kong sinasabi sa kanya na huwag magpuyat at matulog dahil kailangan ng pahinga ng katawan niya. Pero matigas ang ulo niyan,
