┈┈┈┈◦•✩•◦┈┈┈┈
Inabutan ni Remy sa kusina si Leng na naglilinis ng mga maruruming kasangkapan. Napatingin ito sa lamesa na may mga nakahain ng pagkain pero may mga takip kaya hindi niya alam kung ano ang niluto ng kanyang kaibigan. Pero naaamoy naman niya ang tuyo sa loob ng bahay kaya natatakam tuloy kumain ng agahan si Remy.
"Ang aga mo naman nagising? Maaga ka ba maglalako ngayon ng mga prutas? Ang ganda ng kita mo kahapon, napapa-sana all na lang tuloy ako," ani ni Remy. Napatingin namang bigla sa kanya ang kanyang kaibigan at ngumiti, pagkatapos ay nagtuyo ito ng kamay at lumapit kay Remy.
"Hay naku! Kahapon lang 'yon beshie. Marami kasing turista kahapon kaya naging mabenta at naka-hango pa ulit ako ng isang basket na prutas, pero kapag walang masyadong turista, matumal ang bentaha
