Kabanata 51
A L I S O N
Nakabihis na ako at nakahanda na para sa lakad namin ni Blake nang makatanggap ako ng tawag mula kay Kenzo. Bigla akong kinabahan sa tawag na iyon, hindi ko alam kung bakit. Kaya naman sinagot ko agad iyon ng walang pagdadalawang isip.
“Hello?”
Katahimikan ang sumalubong sa akin. Mas lalo tuloy akong kinabahan. Magsasalita sana ulit ako nang sa wakas ay magsalita na din siya.
“Alison…”
“Kenzo, anong nangyari? Ayos ka lang ba?” sa nag-aalang tonong tanong ko.
Sa boses niya pa lang kasi ay ramdam ko nang may mabigat siyang problema. Siguro dahil kaibigan ko siya kaya mabilis ko ding natunugan iyon sa kanya.
“Pwede ka bang pumunta d-dito?” Parang biglang nabasag ang boses niya sa huling salitang sinambit. Mas lalo kong nakompirma ang hinala ko. May problema ng
