Chapter 27
Alice Nasa Singapore na sina Mommy at Tito—ay, Daddy na pala. Ako naman, nagsisimula na ring mahanap ng malilipatan. Ayokong tumira sa condo nila. Gusto kong bigyan sila ng espasyo… at siguro, gusto ko ring matutong tumayo mag-isa. “Love…” Napalingon ako sa pamilyar na boses. Parang may humila sa dibdib ko nang marinig ko ang timbre niya—malumanay pero may bigat. Si Javier. Biglang bumalik sa isip ko ang gabing iyon. Ang kasal nina Mommy. Ang mga ilaw. Ang musika. At ang sandaling sinabi ko sa kanya ang katotohanan—na gusto ko nang makipaghiwalay. Hanggang ngayon, kinukurot pa rin ako ng konsensya. Hindi ko akalaing magagawa ko sa kanya ’yon. Hindi ko inakalang kaya kong saktan ang taong pinakamalapit sa akin. Pero mas mali kung ipagpapatuloy ko pa ang isang relasyon na alam kong unt
- Writer
