Halos gabi na silang nakabalik sa bahay ng mga Albano sa Greenhills at napagod naman ang anak niya at maagang nakatulog. Bukas ay uuwi siyang mag-isa sa San Fabian at babalik matapos ang dalawang linggo para tuluyan nang dito manirahan. Saka pa lang nila pag-uusapan ni Zane Albano kung ano ang magiging posisyon niya sa Albano Airlines.
Nakatanaw siya sa mga puno sa hardin na dati nilang inaalagaan ng ama noong dito pa sila namamasukan. Maraming alaala niya ang nanumbalik noong mga panahon na una niyang naramdaman na may gusto siya kay Stacey. Noong mga panahon na 'yun ay si Leandro pa ang nasa puso ng kasintahan.
"Maaga ka bang ba-biyahe?" tanong ni Stacey na lumapit sa kanya sa balkonahe. Naka-nighties na ito at hindi alintana ang bakat ng hubog ng katawan. Naghahalo ang pag-iinit n
