"Ano ka ba! It is for your advantage, kaya ko kinulit nang ganun kahapon si Marcus," paliwanag ni Viena kay Stacey habang nasa lunch break sila kinabukasan.
"Bakit kailangan mo pang tanungin kung magkakagusto ako dun? Of course not!" pilit pa niyang tanggi. Kahit kailan ay hindi niya naisip na magkagusto sa driver niya. Kung bakit din nagsimula nang matanim ang inis sa dibdib niya para sa binata ay hindi niya alam. Marahil dahil alam niyang loyal ito sa Daddy niya at anytime ay magsusumbong ito kapag nakitang magkasama na naman sila ni Leandro.
"Pinasakay ko lang naman, kita mo nga pulang-pula ang mukha. May crush nga sa 'yo ang driver mo, sabi na eh!"
Isang matalim na tingin muli ang ibinigay niya kay Viena. Si Therese ay natatawa naman sa pinag-uusapan nila.
"Bakit naman galit na g
