GAWAY’S POV
Nang makauwi kami galing sa pakikipagkita kay Onyx Dela Cuadra ay parang mas lalo pa akong nakaramdam ng stress dahil sa aking nalaman. Matagal ng tapos ang kung anuman ang mayroon sa amin ni Felix. Tandang tanda ko pa noon nang ipagtapat ko sa kanya na nagdadalang tao ako pero tinalikuran niya lang ako. Ang mas masakit pa nito ay sinabihan niya akong ipalaglag ang bata dahil niya ito matatanggap pero nang maglaon ay wala na itong tigil sa pagtawag sa akin at pagpunta sa bahay para tanungin ang ipinagbubuntis ko.
Una niya akong sinabihan na ipalaglag ang dinadala ko tapos biglang magbabago at ngayon ay sasabihin ni Onyx na hahabulin nila ang anak kong si Mira kapag nalaman ng mga ito na may anak kami?
Hindi ako papayag na mangyari iyon. Kung sa unang sabi niya pa lang sa a
