ELYSIA’S POV
Akala ko ay magiging maayos na ang lahat pagkatapos mawala ni Xavier, pero hindi pa pala.
Kasabay kasi ng kanyang pagkawala ay ang pagkawala rin ni Marco, gayun din ang pagsulpot ni Tadeo Luminara na siyang tunay na ama ni Marco. Mas lalo pang gumulo ang lahat nang sabihin ni Onyx Dela Cuadra na baka makadagdag pa sa aming problema si Felix Hierro, ang dating nobyo ni Gaway na siyang ama naman ni Mira at may posibilidad di umanong kunin si Mira.
Nang makaalis kami sa kompanya ni Onyx Dela Cuadra ay halos hindi mahawakan ni Gaway ang manibela ng sasakyan. Ang lalim din ng kanyang iniisip at bahagyang nanginginig ang kanyang mga daliri kung kaya ako na ang nagpasyang magmaneho ng sasakyan pabalik sa bahay na aming pansamantalang tinitirhan.
“Gaway. ‘Way, Gaway!” paulit-ul
