Pistanthrophobia (ON-GOING)

twelve

XII.

Nakakunot ang noo na nakalagay ang isang kamay ni Kyle sa bewang niya habang nakatingin sa nasa harap namin.

Lumabas kami ng school kaya dinala ko siya sa kabilang kalsada kung saan maraming nagtitinda ng mga street foods. Sa totoo lang ay hindi ko pa nararanasan na kumain nito, pero gustong-gusto kong tikman.

Araw-araw ko 'tong nakikita at lagi akong natatakam. Lalo na 'yung kulay orange na may maliit na itlog sa loob, meron din naman na mas malaki. Mukhang masarap dahil ang daming bumibili. Ito ang pinaka-mabenta.

"Hmm, you can get anything. My treat." Sabi ko kay Kyle pero wala siyang naging reaksyon kaya napangiwi ako.

Ano ba kasing inaasahan niya na puntahan namin? Restaurants are overrated! Ito ang masayang pagkainan, chill lang. Hindi ko nga lang sure kung sobrang malinis ba siya?

He cleared his throat. "Hindi ito ang inaasahan ko, kumakain ka ba talaga nito?"

Napakamot ako sa ulo kahit hindi naman makati iyon. "No. But i want to, let's try this together!"

"Dati pa ako kumakain nito." Aniya at kumuha ng isang stick sa lalagyan at nagtuhog ng puting bilog na sa tingin ko ay squidballs. At yung kulay orange.

Pinanood ko lang siya na magtuhog kaya napatigil siya at napatingin sa'kin. Nakakagulat na kumakain pala siya nito, akala ko pa naman ay pareho kaming macha-challenge dahil ngayon pa lang kami titikim pareho.

Inaasahan ko pa naman na tatanggi siya rito dahil parang sa mga mamamahaling kainan siya kumakain lagi, i haven’t even seen him eat in cafeteria. Kahit na ang mga foods doon ay maayos naman.

"Masarap ba 'yan?" Tanong ko. Tumaas ang isa niyang kilay at mabagal na tumango. Binigay niya sa'kin ang stick na tinuhugan niya ng kung anu-ano kaya tinanggap ko.

"Kwek-kwek." Aniya habang nagtutuhog ulit ng para sa kanya.

"Huh?" Tanong ko habang pinapanood siya, puti ang suot niya. Mamahalin ang lahat ng suot niya pero nandito siya ngayon at nagtutuhog ng street foods.

"Kwek-kwek ang tawag diyan."

I smiled. "It's cute."

Tinignan niya ako sa gilid ng kanyang mata kaya nag iwas ako ng tingin, dumapo ang mata ko sa tindera na kanina pa pala pinagmamasdan si Kyle. Ngumuso ako pasimpleng umirap sa hangin, ang dami daming tao kaya bakit dito sa kasama ko sila nakatitig?

I understand but could they not?

I cleared my throat to get her attention. Napalinga siya sa'kin nang nagtataka kaya ngumiti ako at tinaas 'yung stick ko na may nakatuhog. "Magkano lahat?"

Nagbilang siya saglit at sinama niya na rin 'yung hawak ni Kyle.

"Singkwenta lahat." Aniya kaya nakangiwi na sumilip ako sa wallet ko pero wala akong nakitang singkwenta pesos. 500 pesos ang pinakamababa kong pera ngayon dahil kaka-widthdraw ko lang kanina.

Naramdaman kong nakatingin sa'kin si Kyle kaya ngumiti ako at tumingin sa kanya. Bago pa ako magsalita ay naglabas na siya ng 100 pesos sa wallet niya kaya sinuklian siya. Sa susunod ko na lang siya ililibre, kung meron pang susunod na pagkakataon.

"Anong balak mong gawin diyan?" Tanong niya habang nakatingin sa stick na hawak ko. Medyo nataranta ako dahil sa hiya at ginaya 'yung ginawa niya na magsawsaw sa suka na nakalagay sa lalagyan ng stik-o.

Sinundan ko ng tingin ang kamay niya, nilapit niya sa bibig niya ang stick at kinain ang nasa pinaka unahan ng natuhog niya, napalunok ako habang pinagmamasdan siyang ngumunguya.

"Masarap?" Tanong ko. Hinawakan niya ang kamay kong may hawak na stick at nilapit sa bibig ko.

"Taste it." Aniya.

Tinignan ko muna siya kaya tumango siya bago ko kainin ang isang kwek kwek. Pinanood niya ako habang ngumunguya, nanlaki ang mata ko nang malasahan ang nasa bibig ko. Masarap! Nalalasahan ko ang nilagang itlog pero masarap din 'yung nakabalot na kulay orange dito.

Tumatango tango ako. "Ang sarap!"

Ngumuso siya. "Baka ma-adik ka, masama ito sa katawan kapag inaraw-araw."

"Once every two days, then?"

"Nah." Umiling siya.

"Once a week!" Sabi ko pero kumunot pa rin ang noo niya at mabagal na umiling. "Once every two weeks! Gusto mong sumama? Libre naman kita next time."

Kinagat niya ang kanyang labi at tumango. "Sounds like a plan."

Bumalik kami sa school matapos ng kalahating oras dahil may klase pa daw itong si Kyle. Bago kami makarating sa gate ay inabutan niya ako ng isang mentol candy at saka ako nilagpasan. Napatigil ako saglit at inamoy 'yung hininga ko.

Napangiwi ako nang malaman na amoy suka at itlog ito. Napanguso ako at sinundan ng tingin ang likod niya habang naglalakad palayo, napahawak ako sa tiyan ko at ngumiti. Ang dami kong nakain.

Habang naglalakad ako papuntang locker room ay mahina pa akong kumakanta, pero napatigil ako nang nasalubong ko si Billy.

"Ang saya mo ah." Aniya sa nanunuyang tono nang magkatapat kami kaya pasimpleng kinurot ko siya sa tagiliran at nagdiretso sa paglalakad.

Narinig ko ang mahina niyang bungisngis kaya napangiwi ako. Nakita niya ba kami na magkasama ni Kyle? Nakakainis talaga ang isang 'yon! Sigurado ay aasarin ako no’n lagi kapag nagkikita kami.

Dumiretso ako sa likod ng gym dahil masyado pang maaga at ayoko pang umuwi. Wala naman akong gagawin sa bahay dahil mag-isa lang ako doon. Mukhang may klase pa 'to sila Billy. I'm very lonely!

Nagbasa ako ng libro para magpalipas ng oras. Nagulat na lang ako na halos magdidilim na nung tumayo ako.

Habang naglalakad ako palabas ay naramdaman kong parang may nagmamasid sa'kin. Lumingon-lingon ako sa paligid pero wala akong makita, but i can sense that there's someone standing on the dark left side of the building. Biglang may kumaluskos kaya lalong kumunot ang noo ko, hindi naman sa natatakot ako dahil kaya ko naman ipagtanggol ang sarili ko. Pero sino ito? Nararamdaman ko pa rin 'yung titig niya.

Naglakad na lang ako ng diretso at umakto ng normal. Sinusundan niya ba ako? Kahit nung nagbabasa ako kanina ay nararamdaman kong parang may nagmamasid sa'kin.

Dumiretso ako palabas ng gate kaya nakita ko agad 'yung taxi ni Tatay Poli, siya 'yung service ko na nakakaalam na nagpapanggap ako. So far, wala pa naman siyang sinasabihan. He's very trustworthy. Pagkasakay ko ng taxi ay halos mapatalon ako palabas ng bintana nang makitang may nakaupo sa loob.

"K-kyle?" Gulat na tanong ko. Medyo madilim kaya hindi ko masyadong maaninag ang mukha niya. Pero ang amoy niya, alam kong siya ito.

Lumingon sa'kin si Tatay Poli. "Nasira daw ang kotse ng kaibigan mong ito, anak. Ayos lang ba na sumabay siya sa'tin?" Nag-aalangan na tanong niya. Wala sa loob na tumango ako habang hindi inaalis ang tingin kay Kyle na walang kibo.

"Sino iyon?" Tanong niya habang nakatingin sa labas ng bintana. Hindi na ako nagtaka sa kung ano ang tinutukoy niya, nakatingin siya sa madilim na parte ng Educ. building kung saan may nakita ako kaninang nakatayo.

Ngumiwi ako. "Hindi ko alam.."

"So, you are aware." Naaninag ko ang kalahati ng kanyang mukha nang lumingon siya sa'kin. "You're seriously aren't ordinary.."

Napaiwas ako ng tingin. Hindi ako nakasagot hanggang sa nakaandar na 'yung taxi. Hindi tulad nung una, mas komportable ako ngayon. Mas hindi ko masyadong pinapansin ang galaw niya pero ang presensya niya ay parang mas lalong lumala sa aking sistema.

Walang nagsasalita sa buong byahe, nakatingin lang ako sa phone ko at nakapikit naman siya habang naka-earphone. Natutulog na naman ba siya? Pinihit ko ang katawan ko paharap sa kanya at pinahinga ang kanang pisngi ko sa sandalan habang pinagmamasdan ang natutulog na si Kyle. Sana lang ay hindi niya ako mahuli!

Inayos ko aking glasses. Naiinis ako kasi hindi ko siya makita ng malinaw dahil sa glasses na ito, hindi naman malabo ang mata ko kaya wala itong grado kaya kapag suot ko ito ay nababawasan ang pagkalinaw ng paningin ko.

Nagbuntong-hininga ako. Kung hindi lang ako natatakot na mahuli, edi sana ay ayos lang na tanggalin ko ang glasses na ito. Kung hindi lang ako nagpapanggap edi sana ay mas malaya ako.

Hindi ko namalayan na nakarating na pala kami sa bahay ko. Nagbayad ako kay tatay Poli at nilingon ulit si Kyle na hindi gumagalaw.

Nagkibit balikat na lang ako at binuksan 'yung pinto pero nagulat ako nang biglang may humila ng phone na hawak ko. Nagtatakang binalik ko ang tingin ko kay Kyle na may pinipindot sa phone ko, nakapikit pa ang isang mata habang nakakunot ang noo dahil sa liwanag na dulot ng phone ko.

Matapos ng ginagawa niya ay lumingon siya sa'kin at binalik ang phone ko sa'kin, may number sa screen kaya kumunot ang noo ko.

Tinukod niya ang isang kamay niya sa upuan at sinilip ako mula sa loob ng taxi. "Tawagan mo ako kapag may nangyari." Aniya.

Mabagal na tumango ako at kinagat ang aking labi bago isarado ang pinto ng taxi at sinundan ito ng tingin palayo. Bumaba ang tingin ko sa phone ko at tinitigan ang number na inilagay niya.

Huminga ako ng malalim at ni-save ang kanyang number.

Kyle Vergara