MULA sa kinauupuan nito sa damuhan. Inalalayan ni Paulo si Remedios sa pagtayo. Kinuha niya ang sapin, ipinagpag ng tatlong beses saka ibinalabal sa balikat ng nobya. Inakbayan niya ito at binaybay nila ang daan pabalik sa bahay nila Remedios.
“Saan ka pala galing, ngayon ka lang nagpakita?” tanong ni Remedios. Iniyakap niya ang isa niyang kamay sa baywang ng nobyo.
“May pinagawa sa ’min si Tatay Badong, sa kabilang baranggay. Saka tumulong kami ni Allen, sa ipinapatayong waiting shed roon,” sagot ni Paulo sa dalaga. Saka hinaplos ang tiyan ni Remedios. “Kumusta ang baby, natin? Hindi ka ba pinapahiran?”
Ngumiti si Remedios. At bahagyang inihilig ang ulo sa braso ng nobyo. Hinawakan rin niya ang sariling tiyan.
“Hindi. Siguro paglaki niya mas mabait pa siya sa ’yo,” sagot ni Remedi
