Isang magandang tanawin ang bumungad sa akin nang umakyat kami sa pinakatuktok na bahagi ng building. Salamin ang palibot na dingding niyon kung saan matatanaw mo ang buong kamaynilaan. Makulay at maliwanag ang paligid dahil na rin sa naglalakihang billboard na halos kapantay na ng kinaroroonan namin. May landscaped garden din at sofa na pahingahan habang nakatanaw ka sa mga bituin sa itaas. Tumingala ako at ngumiti. Noong nasa San Pascual ako, lagi kong tinitingala ang mga bituin para humiling na matupad ko ang pangarap kong maging doktor. Ngayon ay parang mas malapit na ako sa langit. Tila ba sinasabing malapit ko na ring maabot ang pangarap na 'yun.
"I hope you like it here..." ani Hunter na nakatunghay sa mukha ko.
"Oo. Maganda nga dito." Inakay naman niya ako patungo sa dulo ng ro
