Sa huli ay napapayag ako ni Hunter na bumili ng libro sa bookstore at mamasyal na rin sa mall na pag-aari ng pamilya nito pagkatapos. Ngayon lang ako sumama sa isang lalaki para sa isang friendly date. Panahon na siguro na subukan ko ring tanggapin na ang pakikipagkaibigan ni Hunter dahil pinatutunayan naman niya na malinis ang intensyon niya. Lagi na rin lang akong mag-isa sa university dahil bihira na kaming magkita ni Venus habang si Laura naman ay abala din sa pag-aaral kapag nasa boarding house kami.
"May gusto ka bang puntahan? Kainan? Anything?" tanong ni Hunter habang papasok kami sa bookstore.
"Wala naman. Sa fast food na lang tayo kumain para hindi ka na gumastos nang malaki." Ilang beses na akong nakasilip ng menu ng mga restaurant kanina habang naglalakad kami. Libo
