Maaga akong dumating sa university dahil wala na akong trabaho sa gabi. Hindi na ako tinanghali ng gising dahil sa pagod at puyat. Kahapon ay namasyal kami ni Laura sa mall na sa unang pagkakataon ay pinagbigyan ko ang sarili ko na huwag manghinayang kahit nawalan ako ng trabaho. Tama naman ang sinabi niya; hindi lahat ng problema ay dapat pinapasan kong lahat. Magdasal lang palagi dahil hindi naman ako pinababayaan ng Diyos.
Magaan ang gising ko kaninang umaga. Nakapagbasa pa ako ng libro habang nagkakape. Singkwenta mil ang perang nasa sobre na iniabot ng manager ko sa fastfood. Ang sabi ni Laura ay nakatanggap din daw sila ng bonus kaya't hindi ko na kinuwestyon. Kailangan ko iyong tipirin hanggang sa susunod pang pasukan. Nakasilid iyon sa damitan ko at hindi ko 'yon gagastusin para i
