Hindi ko namalayan ang pagdating ni Mommy dahil nakatulugan ko ang pagbabasa. Magaan na ang pakiramdam ko matapos ang pag-uusap namin ni Daddy kagabi sa kabila ng mga pag-iwas ni Adriana. Pagbangon ko mula sa kama ay bumungad sa akin ang ilang paperbags ng mga pinamiling damit.
"Good morning!" bati ni Mommy na galing sa banyo dala ang gamit nang twalya. Personal nitong inaasikaso ang mga gamit namin sa silid kahit pa kina Kuya. "Tingnan mo muna ang mga damit mo. Ipinasukat ko 'yan kay Adriana dahil pareho naman kayo halos ng katawan."
"Hindi na ho sana kayo nag-abala, Mommy. Napakarami ko nang damit."
"Paanong marami? Ni wala pa sa kalahati ng closet mo ang nalalamnan." Ito na ang kumuha ng mga paperbag at inilagay sa ibabaw ng kama. "Ibibili pa sana kita ng isa pang relo para
