Mas lalo lang nalungkot si Ysabel nang mapagtanto niya na mukhang tama nga talaga si Rafael. Mula kasi ng araw na 'yon na may babaeng naghanap kay Randolf sa shop nila ay hindi na niya ito nakita. Hindi na rin ito nagpakita sa kanya. In short, hindi na sila ulit nagkita. Umaasa ito at nagbabakasakali na sana ay madalaw ito sa bahay nila pero siguro nga ay binawalan na rin ito. Sino nga ba naman ang matinong lalaki na malapit nang ikasal ang dadalaw pa sa bahay ng ibang babae? Nakakahiya iyon para sa isang kilalang tao na si Randolf. Hindi lang kasi ang pangalan niya ang nakasalalay dito kundi pati na rin ang pangalan ng kanilang angkan.
Holiday ngayon at imbes na harapin ang napakarami niyang kailangang i-check na activities ay nagpasya siyang mag-walking papunta sa bayan. Umaga pa naman
