Isang marahan na pagtapik sa pisngi ang nagpagising kay Damien kinabukasan. Nakakunot ang noo niya habang inaaninag ang mukha ng taong nakatunghay ngayon sa mukha niya.
Kaagad siyang napangiti nang makilala kung sino ito.
Ang maganda at maamo nitong mukha na hindi nakakasawang tingnan. Ang mga mata nito na tila nang-aakit kung tumingin. Ang matangos nitong ilong, at ang labi nitong kay sarap halikan. Napangiti si Damien at dinala ang isang palad sa pisngi ni Trina upang iyon ay damhin. Naramdaman niyang nanigas ito at hindi nakagalaw.
"Ang ganda mo talaga mahal ko." nakangiti niyang sabi. Akmang babangon siya upang yakapin ang dalaga nang malakas na batok ang matanggap niya mula rito.
"What the f**k is your problem, huh?! Yuck!"
Napakurap-kurap si Damien at nahimasmasan. Napahawak si
