Nakaupo si Trina sa tabi ng ama habang hinahaplos ng isang palad niya ang medyo may kaputian na nitong buhok. Habang nakatitig sa ama ay lumuluha ang dalaga. Puno ng pagsisisi ang nararamdaman niya ngayon.
"Daddy, sorry po. Kasalanan ko ang lahat kung bakit ito nangyari sa inyo. Daddy, marami po akong kasalanan sa inyo. Sa dami no'n ay hindi ko na alam kung saan ako magsisimula o alin ang uunahin kong sasabihin." Napahikbi si Trina."Daddy mahal ko po si Damien. Siya ang kasama ko sa Baguio nang araw na umalis ako sa bahay. I'm in love with him, Daddy… Ang totoo po ay na love at first sight ako sa kaniya kaya gano'n ko kabilis isinuko sa kaniya ang sarili ko. Siya po ang tunay na ama ni Dero. Patawarin niyo po ako sa lahat ng nagawa ko, Dad. At patawarin niyo po ako dahil sa tingin ko po a
