"Kung gano'n ay okay pa rin pala kayo ng Bachelor Squad. Akala ko, pati sila ay tinalikuran mo," mahinang sambit ko.
"Sila na lang ang mayroon ako, bakit ko sila tatalikuran?" balik tanong niya sa akin.
"Nasaan si Melvin?"
Gumalaw si Paul Shin sa balikat ko. "Bakit mo siya hinahanap?"
"I mean, anong naitulong niya sa 'yo?"
"Tagabantay sa airport niya," anang Paul Shin, kasabay nang mumunting pagtawa niya. "Siya ang tagabalita sa akin kung dumating ka na ba, o kung may flight bang galing sa Germany."
Umawang ang labi ko. Tila pa may humaplos sa puso ko sa sandaling iyon nang maramdaman ang kapayapaang dala pagkatapos ng kaninang mga sumbatan, hinanaing at galit niya.
Hindi ko akalain na ganito ang kahahantungan naming dalawa ngayon. Hindi ko inasahan na sa ganitong paraan kami magkak
