Gabi na noong magising ako dahil sa ingay na gawa mismo ng tiyan ko. Kaagad akong napabangon at dinama saglit ang tiyan kong nag-aalburoto. Napangiwi pa ako nang halos mamilipit ako sa sakit.
Nagpasya akong tumayo na, naisip ko na bumaba na lang upang makakain dahil kaninang umaga pa pala ako walang kain. Kaya pala ganoon na lamang manghina ang katawang lupa ko.
Isinuot ko ang tsinelas na naroon sa gilid ng kama. Dahan-dahan pa nang lapitan ko ang pinto ng kwarto. Pinihit ko ang doorknob, bago pa lumabas ay isinungaw ko muna ang ulo sa siwang ng pinto.
Halos manlaki pa ang mga mata ko nang makita ang isang lalaki. Nakatayo siya katapat nitong kwarto ko kung kaya ay madaling nagtagpo ang mga mata namin. Seryoso niya akong tinitigan.
Hinawakan pa niya ang suot na ear piece at may kung an
