Ang dami kong nakaligtaang kaganapan na posible palang mangyari. Una na roon ay iyong paghihirap ng pamilyang Shin, nawalan sila ng ari-arian at ngayon ay parehong lugmok sa kahirapan.
Pangalawa iyong pagmamahal ni Paul Shin at ang galit ng Bachelor Squad sa akin. Pangatlo itong nalaman ko patungkol kina Raquel at Jake kung saan ay masaya na silang nagsasama, kasal na at may isa ng anak.
How the world goes round is just so strange. Hindi natin aakalain ang mga bagay-bagay. Hindi natin malalaman kung ano nga ba iyong mga kasunod na mangyayari at magaganap pa lamang sa buhay natin.
Alam ko na iyong kasalanang nagawa sa akin ay walang katumbas. Iyong mga pinagdaanan kong hirap, sakit at ibinuhos kong mga luha, lahat iyon ay hindi mapapantayan ng kahit ano.
Kahit sorry— kahit pagluha ng du
