Kung hindi ako tanggap ng Bachelor Squad para kay Paul Shin, maybe that's fine?
Ang sabi nga ni Paul Shin dati sa akin, hindi sila ang pakakasalan ko, hindi naman sila ang pakikisamahan ko, hindi rin sila ang mamahalin ko. Pero syempre, iba pa rin iyong pakiramdam na malamang tanggap ka nila para sa taong mahal mo.
Nandoon iyong kapayapaan, iyong tipo na hindi mo kailangang mamroblema kung may mali ba sa ginagawa mo, iyong walang pupuna sa 'yo, walang magsasabi ng kung anu-ano patungkol sa 'yo.
Napanguso ako habang tinititigan ang suot kong singsing. Kumikinang iyon sa paningin ko. Gandang-ganda ako rito na hindi ko na napapansin ang paligid. Ilang taxi na nga yata ang pinalampas ko.
Nandito kasi ako sa waiting shed, nakaupo at nag-aabang ng masasakyan. Pasado alas otso na ng umaga, pa
