Hindi ko alam kung paano ko nagawang makalabas sa unit ni Paul Shin nang hindi nahuhuli ni Raquel. Basta bago pa man siya makalingon sa kaninang pwesto ko ay madali na akong pumasok sa loob.
Nakakita na rin ako ng pagkakataon na lumabas noong hindi naman ako hinanap mi Raquel. Siguro ay akala niyang hinangin lang iyong baso kung kaya ay nalaglag iyon sa sahig ng balcony.
Dere-deretso ang paglalakad ko hanggang sa makababa ako ng A&D Tower. Taas-baba ang dibdib ko dahil sa galit na siyang namumuo sa puso ko. Gusto ko sanang sabunutan si Raquel upang ilayo siya kay Paul Shin.
Gusto ko siyang kaladkarin ngunit naging malaki ang pagpipigil ko sa sarili. Gaano ko man siya kagustong saktan, mas nangibabaw pa rin sa akin iyong kagustuhan kong magtago at tumakbo na lamang.
Hindi naman din ako
