Maaga akong nagising kinabukasan. Bumangon akong magaan ang kalooban. Kung ikukumpara ko nga nitong mga nakaraang araw pagkatapos ng lahat, marahil ay iyon na ang pinakamahimbing kong tulog. Kaya naman mabilis at masigla ang mga naging kilos ko.
Ngayon ang schedule ng meeting kasama ang mayor at ayaw kong mahuli.
Pababa ng hagdan ay pansin ko ang pagiging tahimik ng bahay maliban lamang sa mga kalansing ng kubyertos na nanggagaling sa kusina. Malawak na ang pagkakabukas ng pinto kaya’t pumapasok ang natural na sinag mula sa labas ngunit nangunot ang noo ko nang medyo madilim ang labas.
Dala ng pagkakuryuso ko ay nagdesisyon akong lumabas. Napabuntong-hininga ako nang nakita ang makulimlim na langit. Mukhang uulan pa yata. Lumapit ako palapit sa baluster. Ipinatong ko ang mga kamay ko
