Puting kisame ang bumungad sa akin pagkamulat ko ng aking mga mata. Hindi ko magawang tingnan ang kabuuan ng paligid dahil ramdam ko ang bigat ng aking ulo. Tila mahihila ang aking ulo kapag lilingon ako at magdudulot ito sa akin ng labis na pagkahilo.
Nanatili na lamang akong nakatingala lamang sa puting kisame.
Nasaan ako ngayon?
Anong ginagawa ko rito?
Hindi ko naman ito kwarto dahil hindi ganito ang disenyo ng kwarto ko.
“B-Bri?” Dumungaw sa akin ang pagmumukha ni Keziah. “Gising ka na! Saglit, tatawagin ko ang Doctor.” Pagkasabi niya nu’n ay agad na itong tumakbo papalayo sa akin.
Doctor?
Ibig sabihin ay nasa hospital ako ngayon? Bakit?
Pilit kong inalala ang huling nangyari at posibleng dahilan kung bakit naririto ako ngayon.
Madilim na bahay… naka
