IPINILIG ni Matt ang ulo pagkaalala sa mga nangyari sa hotel bago ang nakatakdang oras ng kasal nila ni Diana. Kinuha niya ang mug at humigop ng mainit na kape habang okupado pa rin ang isip niya.
“I will call the private investigator we hired to find him. Hopefully, there’s a progress,” aniya matapos niyang mag-angat ng tingin sa kausap.
Tumago-tango si Luisa saka inginuso ang pagkaing hindi niya namalayan ay inihain na pala nito.
“Sige na, kumain ka na,” anyaya nito sa kaniya na pinaunlakan naman niya.
“Ahm, ngapala…” pagkuha muli ni Luisa sa atensyon niya matapos ang ilang sandali.
Uminom muna siya ng kape bago bumaling dito at nagtatanong itong tiningnan.
Humugot ito ng hininga bago siya matamang pinagmasdan. Napalunok siya. Iyon kasi ang parehong tingin na ipinukol nito sa kan
