HALOS mag-isang-guhit ang mga kilay ni Matt matapos marinig ang report ni Berry patungkol sa lalaking nakita niyang nakausap dati ng lola niya at siyang nagtangkang pumatay sa kaniya. Kaaalis lang noon ni Luisa para mamili ng grocery nila kasama ang ibang kasamahan at kaibigan nito na nasa kabilang unit. Kasalukuyan siyang naglilinis ng lamesa nang tumawag ang kaibigang imbestigador ng kaniyang ina na siyang h-in-ire niya para sa matulungan ang mga pulis sa pag-iimbestiga.
“Are you sure, tita?” paninigurong tanong niya sa matandang babae. Napaupo pa siya sa upuan at naituon niya ang siko sa dining table para mapakinggang maigi ang sinasabi ni Berry.
“Yes, hijo. I confirmed it with John and Ramil and they were definite that it is the suspect,” kumpirma nito.
Napabuntong-hininga siya at
