Pagkalipas ng ilang minuto ay lumapit ang isang nurse sa amin. May hawak itong clipboard at may maamong ngiti sa labi.
“Ma’am, okay na po ang bata. Wala naman po siyang kahit anong sugat o bali. Medyo nabigla lang po talaga at natakot,” mahinahong paliwanag nito.
“Salamat po,” sagot ko habang mahigpit pa ring hawak ang maliit na kamay ng bata.
Ngumiti ang nurse sa amin bago tuluyang umalis. Naiwan kaming dalawa sa maliit na silid. Tahimik siyang nakaupo sa hospital bed habang hawak-hawak ang isang stuffed toy na ibinigay ng nurse.
“Ano pangalan mo? ” mahinahon kong tanong.
Tumingin siya sa akin, may bahagyang pag-aalinlangan pa sa kanyang mga mata.
“Dom po,” mahina niyang sagot.
“Ang ganda ng pangalan mo,” ngumiti ako. “Saan ba ang mommy mo, Dom? May tanda ka ba kung paano ka makaka
